Myunxenning “Bavariya” klubi bosh murabbiyi Yulian Nagelsmann Bundesliganing 2-turida “Volfsburg” ustidan qozonilgan g‘alaba haqida fikr bildirdi.
“Birinchi bo‘limni muvaffaqiyatli o‘tkazganimizdan so‘ng, to‘p nazoratiga e’tibor qaratdik. “Bavariya” yana bir gol urishi mumkin edi, biroq o‘yindan tashqari holat bunga xalaqit berdi. Umuman olganda, bu haqli uch ochko. Raqib darvozasiga 24 marta zarba berdik. Mavsum boshida "Bavariya" uchta kuchli raqibga duch keldi va biz ularning barchasini mag‘lub etdik", - dedi murabbiy klub matbuot xizmatiga.
Germaniya chempionatining navbatdagi turida myunxenliklar “Bohum”ga qarshi bahs olib boradi. O‘yin 21 avgust kuni bo‘lib o‘tadi.
