"Manchester Siti" ushbu transfer oynasida o‘z yarim himoyachisi Bernardu Silva bilan xayrlashmoqchi emas. Jurnalist Pol Ballusning tarqatgan xabariga ko‘ra, "shaharliklar" portugaliyalik futbolchini "Barselona"ga 100 million yevro evaziga qo‘yib yuborishga rozi bo‘ladi.
Klub rahbariyati kataloniyaliklarga Silvaning narxini kamaytirmasliklarini ma’lum qildi. Bosh murabbiy Xosep Gvardiola yarim himoyachini ushbu mavsumda jamoada qoldirishni istaydi.
Eslatib o‘tamiz, Bernardu Silva "Barselona"ning transfer oynasining qolgan qismidagi so‘nggi va asosiy maqsadi bo‘lib qolmoqda. Futbolchining o‘zi ham o‘tishga tayyor ekaniga bir necha bor sha’ma qilgan.