"Lester" hujumchisi Jeymi Vardi Angliya premyer-ligasining top-klubiga o‘tishi mumkin. The Athletic xabariga ko‘ra, 35 yoshli angliyalik futbolchiga "Manchester Yunayted" qiziqish bildirmoqda.
"Qizil iblislar" bosh murabbiyi Erik ten Xag Vardini o‘z jamoasida ko‘rishni juda xohlaydi, ammo "Lester" hozircha o‘z yetakchisini qo‘yib yuborishni qat’iyan rad etmoqda. Eslatib o‘tamiz, hujumchi Angliya premyer-ligasidagi butun faoliyati davomida 133 ta gol urgan.
Jeymi Vardi chempionatning yangi mavsumida allaqachon ikkita o‘yin o‘tkazishga muvaffaq bo‘ldi, jamoasi esa bor-yo‘g‘i bir ochkoni qo‘lga kiritdi. Inglizning o‘zi samarali harakatlar bilan ajralib turmadi.
