"Лестер" ҳужумчиси Жейми Варди Англия Премьер-лигасининг топ-клубига ўтиши мумкин. The Athletic хабарига кўра, 35 ёшли англиялик футболчига "Манчестер Юнайтед" қизиқиш билдирмоқда.
"Қизил иблислар" бош мураббийи Эрик тен Хаг Вардини ўз жамоасида кўришни жуда хоҳлайди, аммо "Лестер" ҳозирча ўз етакчисини қўйиб юборишни қатъиян рад этмоқда. Эслатиб ўтамиз, ҳужумчи Англия Премьер-лигасидаги бутун фаолияти давомида 133 та гол урган.
Жейми Варди чемпионатнинг янги мавсумида аллақачон иккита ўйин ўтказишга муваффақ бўлди, жамоаси эса бор-йўғи бир очкони қўлга киритди. Инглизнинг ўзи самарали ҳаракатлар билан ажралиб турмади.