"Barselona" hujumchisi Aleks Kolyado faoliyatini "Elche"da ijara asosida davom ettiradi. Klub futbolchining maoshining 50 foizini to‘lab beradi.
23 yoshli ispaniyalik bilan ijara shartnomasi 1 yilga tuzilgan. Kelishuvga ko‘ra, keyingi yozda futbolchining huquqlarini sotib olish ko‘zda tutilmagan. Transfermarkt portali hujumchining narxini 4 million yevroga baholamoqda.
Kolyado "Barselona"da 2010 yildan beri o‘ynab kelmoqda. 2020/21 yilgi mavsumda u "Barsa B" sardoriga aylandi.
Futbolchi o‘tgan mavsumning ikkinchi yarmini ijara asosida "Granada"da o‘tkazdi. Uning hisobida 17 ta o‘yin, ikkita gol va bitta golli uzatma.