"Барселона" ҳужумчиси Алекс Кольядо фаолиятини "Эльче"да ижара асосида давом эттиради. Клуб футболчининг маошининг 50 фоизини тўлаб беради.
23 ёшли испаниялик билан ижара шартномаси 1 йилга тузилган. Келишувга кўра, кейинги ёзда футболчининг ҳуқуқларини сотиб олиш кўзда тутилмаган. Transfermarkt портали ҳужумчининг нархини 4 миллион еврога баҳоламоқда.
Кольядо "Барселона"да 2010 йилдан бери ўйнаб келмоқда. 2020/21 йилги мавсумда у "Барса Б" сардорига айланди.
Футболчи ўтган мавсумнинг иккинчи ярмини ижара асосида "Гранада"да ўтказди. Унинг ҳисобида 17 та ўйин, иккита гол ва битта голли узатма.