"Lester" himoyachisi Uesli Fofana klubning o‘z transferi borasidagi pozisiyasidan norozi.
Jurnalist Layall Tomasning so‘zlariga ko‘ra, 21 yoshli futbolchi "tulkilar" o‘zining "Chelsi"ga o‘tish orzusini amalga oshirishga to‘sqinlik qilmoqda deb hisoblaydi. Himoyachi klub uning uchun katta pul olmoqchi ekanligidan norozi.
Oldinroq "Lester" Fofanani sotishga qarshi emasligi va "Chelsi"dan 95 million yevro so‘rayotgani xabar qilingandi.
Fransiyalik futbolchi o‘tgan mavsumda “Lester” safida 12 o‘yinda maydonga tushib, 1 ta gol urgandi. Transfermarkt portali futbolchining narxini 40 million yevroga baholamoqda.
