"Лестер" ҳимоячиси Уэсли Фофана клубнинг ўз трансфери борасидаги позициясидан норози.
Журналист Лайалл Томаснинг сўзларига кўра, 21 ёшли футболчи "тулкилар" ўзининг "Челси"га ўтиш орзусини амалга оширишга тўсқинлик қилмоқда деб ҳисоблайди. Ҳимоячи клуб унинг учун катта пул олмоқчи эканлигидан норози.
Олдинроқ "Лестер" Фофанани сотишга қарши эмаслиги ва "Челси"дан 95 миллион евро сўраётгани хабар қилинганди.
Франциялик футболчи ўтган мавсумда “Лестер” сафида 12 ўйинда майдонга тушиб, 1 та гол урганди. Transfermarkt портали футболчининг нархини 40 миллион еврога баҳоламоқда.
