Jurnalist Janluka Di Marsioning xabar berishicha, "Ayaks" himoyachisi Perr Sxyurs "Torino"ga o‘tishga yaqin turibdi.

Manbaga ko‘ra, Turin klubi 22 yoshli niderlandiyalik bilan shartnoma borasida kelishib olgan. “Torino” futbolchi uchun 9,5 million yevro va bonus sifatida 3,5 million yevro to‘laydi. Shuningdek, “Ayaks” himoyachining keyingi sotuvining 15 foizini oladi.

Sxyurs o‘tgan mavsumda "Ayaks" safida barcha turnirlar doirasida 30 ta o‘yinda maydonga tushib, 2 ta golli uzatmani amalga oshirgan. Himoyachining klub bilan shartnomasi 2025 yilning 30 iyuniga qadar amal qiladi.