Журналист Жанлука Ди Марционинг хабар беришича, "Аякс" ҳимоячиси Перр Схюрс "Торино"га ўтишга яқин турибди.
Манбага кўра, Турин клуби 22 ёшли нидерландиялик билан шартнома борасида келишиб олган. “Торино” футболчи учун 9,5 миллион евро ва бонус сифатида 3,5 миллион евро тўлайди. Шунингдек, “Аякс” ҳимоячининг кейинги сотувининг 15 фоизини олади.
Схюрс ўтган мавсумда "Аякс" сафида барча турнирлар доирасида 30 та ўйинда майдонга тушиб, 2 та голли узатмани амалга оширган. Ҳимоячининг клуб билан шартномаси 2025 йилнинг 30 июнига қадар амал қилади.