"Manchester Yunayted" yozda Krishtianu Ronalduni qo‘yib yuborishi mumkin.

BBC xabariga ko‘ra, klub portugaliyalik hujumchining yomon kayfiyati boshqa futbolchilarning psixologik holatiga salbiy ta’sir ko‘rsatayotgani uchun uni sotishi mumkin. Ronaldu jamoadoshlari bilan deyarli muloqot qilmaydi va ketish istagini yashirmaydi.

"Manchester Yunayted" 37 yoshli futbolchi ketguncha jamoaning hozirgi muammolari hal bo‘lmasligidan qo‘rqadi. Klubdagi ba’zilar Ronalduning o‘rniga o‘yinchi kelmasdan ketishi ham jamoaga ijobiy ta’sir ko‘rsatishi va natijalarning sezilarli yaxshilanishiga olib kelishiga ishonmoqda.