"Vest Xem" "PSJ" himoyachisi Tilo Kererning transferiga rozi bo‘ldi, deb xabar beradi Sky Sports.
Ingliz klubi 25 yoshli germaniyalik uchun 12 million yevro to‘laydi, bonuslarni hisobga olgan holda transfer summasi oshishi mumkin. Futbolchi allaqachon Londonda, yaqin orada u tibbiy ko‘rikdan o‘tadi va "bolg‘achilar" bilan shartnoma imzolaydi.
"Vest Xem" kelishuvni payshanba kuniga qadar yakunlashga umid qilmoqda, shunda himoyachi Konferensiya ligasining so‘nggi saralash bosqichida "Viborg"ga qarshi bahsda o‘ynay oladi.
Kerer 2018 yilning avgustida "Shalke"dan "PSJ"ga o‘tgan. Avvalgi mavsumda u Parij safida 34 o‘yinda maydonga tushib, 2 gol urgan. Transfermarkt.com portali futbolchining narxini 22 million yevroga baholamoqda.