"Вест Хэм" "ПСЖ" ҳимоячиси Тило Керернинг трансферига рози бўлди, деб хабар беради Sky Sports.
Инглиз клуби 25 ёшли германиялик учун 12 миллион евро тўлайди, бонусларни ҳисобга олган ҳолда трансфер суммаси ошиши мумкин. Футболчи аллақачон Лондонда, яқин орада у тиббий кўрикдан ўтади ва "болғачилар" билан шартнома имзолайди.
"Вест Хэм" келишувни пайшанба кунига қадар якунлашга умид қилмоқда, шунда ҳимоячи Конференция лигасининг сўнгги саралаш босқичида "Виборг"га қарши баҳсда ўйнай олади.
Керер 2018 йилнинг августида "Шальке"дан "ПСЖ"га ўтган. Аввалги мавсумда у Париж сафида 34 ўйинда майдонга тушиб, 2 гол урган. Transfermarkt.com портали футболчининг нархини 22 миллион еврога баҳоламоқда.