Xafa qiladigan statistika.
"Manchester Yunayted" sobiq futbolchisi Garri Nevill o‘z intervyusida jamoani futbolchilar uchun "qabriston" deb atagan.
"Klubning so‘nggi 10 yildagi muammolaridan biri shundaki, ular strategiyadan voz kechib, bosh murabbiylarga o‘yinchilarni tanlashni nazorat qilishlariga ruxsat berishgan. Bu - jiddiy muammo. 10 yil davomida klub transferlarga 1,2 milliard funt sterling sarfladi, xarajatlarning 75 foizi muvaffaqiyatsizlikka uchradi va faqat 5 foizi o‘zini oqladi. Yana 20% - o‘rta maqomdagi kelishuvlar. Transferlar borasida dahshatli voqea", - degan Nevill.
"Liverpul" afsonasi Jeymi Karrager bilan birgalikda Nevill Ser Aleks Fergyuson ketganidan keyin klubning barcha transferlarini tahlil qilishdi.
Unga ko‘ra, xarid qilingan futbolchilar uch guruhga bo‘lingan: "Yashil" (yaxshi), "Sariq" (o‘rtacha) va "Qizil" (yomon).
Birinchi guruhga faqat ikkita transfer (Zlatan Ibrahimovich va Brunu Fernandesh) kiritilgan. Yetti nafar futbolchi (jumladan, Garri Maguayr) ikkinchi guruhdan, qolgan 24 nafar futbolchi “yomon” transfer toifasiga kirdi.
Ro‘yxatda juda ko‘p ismlar bor, ammo unda Xuan Mata, Jeydon Sancho va Rafael Varanni ko‘rish juda g‘alati. Bu "Old Trafford"dagi muammolar qanchalik chuqur ekanligini ko‘rsatadi.
To‘liq reyting bilan tanishing:
