"PSJ" hujumchisi Kilian Mbappe faoliyatini Parijda bu tarzda davom ettirishni tasavvur qilmagandi.
"PSJ" bilan shartnomani uzaytirish uchun "Real"dan bosh tortgan Mbappe bir qator shartlarni bajarishni so‘radi. Fransiyalik futbolchi maydonda asosiy rol kafolatlanishini xohladi - jamoa uning uchun o‘ynashi kerak va u hujumlarning asosiy yakunlovchisi bo‘lishi va imkon qadar kamroq himoyaviy ish olib borishi kerak, deya xabar beradi jurnalist Marselo Bechler.
Mbappening jamoadoshlariga bu talab unchalik yoqmaydi, bu esa hujumchini jamoadoshlaridan biroz uzoqlashtirgandi.
Qolaversa, 23 yoshli hujumchi yozda Neymarning sotilishiga qarshi emasdi, braziliyalik esa bunday ishorani qadrlamaganligi aniq.
