«Roma» va «Bolonya» klublari vakilari kecha hujumchi Eldor Shomurodovning transferi bo‘yicha uchrashuv o‘tkazishi borasida xabar berib o‘tgandik.

Mazkur uchrashuv yakunlari bo‘yicha matbuotda hozircha aniq ma’lumot berilmadi. Ammo ayrim nashrlarning yozishicha, «Bolonya» o‘zbekistonlik futbolchining transferidan voz kechgan bo‘lishi mumkin. Buning sababi sifatida «Roma» sport direktori Tiago Pinto Eldorning transferi uchun haddan tashqari ko‘p pul so‘rayotgani va narxni tushirishni istamayotgani aytilmoqda.

Eslatib o‘tamiz, bolonyaliklar Shomurodovni bir yilga ijaraga olib, u qayd etadigan natijalardan kelib chiqib, uning transfer huquqini kelasi yili sotib olish uchun 9-10 million yevro taklif qilmoqda. "Roma"esa 13-14 million yevro talab qilmoqda. Shu bois, tomonlar o‘zaro kelisha olishmayapti.