«Рома» ва «Болонья» клублари вакилари кеча ҳужумчи Элдор Шомуродовнинг трансфери бўйича учрашув ўтказиши борасида хабар бериб ўтгандик.

Мазкур учрашув якунлари бўйича матбуотда ҳозирча аниқ маълумот берилмади. Аммо айрим нашрларнинг ёзишича, «Болонья» ўзбекистонлик футболчининг трансферидан воз кечган бўлиши мумкин. Бунинг сабаби сифатида «Рома» спорт директори Тиаго Пинто Элдорнинг трансфери учун ҳаддан ташқари кўп пул сўраётгани ва нархни туширишни истамаётгани айтилмоқда.

Эслатиб ўтамиз, болоньяликлар Шомуродовни бир йилга ижарага олиб, у қайд этадиган натижалардан келиб чиқиб, унинг трансфер ҳуқуқини келаси йили сотиб олиш учун 9-10 миллион евро таклиф қилмоқда. "Рома"эса 13-14 миллион евро талаб қилмоқда. Шу боис, томонлар ўзаро келиша олишмаяпти.