Lissabonning “Sporting” klubi yarim himoyachisi Mateus Nunes “Vulverxempton”ga transferini yakunlash uchun Angliyaga yetib keldi, deb xabar beradi Sky Sports.

Bugun, 17 avgust kuni 23 yoshli portugaliyalik tibbiy ko‘rikdan o‘tishi va "bo‘rilar" bilan shartnoma imzolashi kerak.

Kecha, 16 avgust kuni futbolchi xaridi “Vulverxempton”ga 45 million yevroga tushishi xabar qilingandi. Transfer summasi bonuslar bilan birga 50 million yevrogacha ko‘tarilishi mumkin.

2022/23 yilgi mavsumda Nunes "Sporting" tarkibida 2 ta o‘yinda 1 ta gol urdi va 1 ta golli uzatmani amalga oshirdi. Transfermarkt.com portali futbolchining narxini 35 million yevroga baholamoqda.