Лиссабоннинг “Спортинг” клуби ярим ҳимоячиси Матеус Нунес “Вулверхэмптон”га трансферини якунлаш учун Англияга етиб келди, деб хабар беради Sky Sports.
Бугун, 17 август куни 23 ёшли португалиялик тиббий кўрикдан ўтиши ва "бўрилар" билан шартнома имзолаши керак.
Кеча, 16 август куни футболчи хариди “Вулверхэмптон”га 45 миллион еврога тушиши хабар қилинганди. Трансфер суммаси бонуслар билан бирга 50 миллион еврогача кўтарилиши мумкин.
2022/23 йилги мавсумда Нунес "Спортинг" таркибида 2 та ўйинда 1 та гол урди ва 1 та голли узатмани амалга оширди. Transfermarkt.com портали футболчининг нархини 35 миллион еврога баҳоламоқда.
