"Vilyarreal" Xuan Foyt o‘rniga yangi o‘ng qanot himoyachisi qidirmoqda, deb yozdi jurnalist Jerar Romero. 24 yoshli argentinalik futbolchi tez orada "Barselona"ga o‘tadi.
Foytning amaldagi shartnomasi 2026 yilgacha mo‘ljallangan. U 2020 yilda "Tottenxem"dan ispan klubiga ko‘chib o‘tgan.
Futbolchi o‘tgan mavsumda barcha turnirlarda 38 ta o‘yinda maydonga tushib, 1 ta gol urdi va 1 ta golli uzatmani amalga oshirdi.