"PSJ" bosh murabbiyi Kristof Galtye Neymar va Kilian Mbappe o‘rtasidagi mojaro hal qilinganini aytdi. Eslatib o‘tamiz, "MonpelYE" bilan o‘yindan so‘ng doimiy penalti tepuvchi roli tufayli futbolchilar o‘rtasida janjal kelib chiqqani haqida mish-mishlar paydo bo‘lgandi.
"Muammo hal. Biroz tushunmovchilik bo‘ldi. Ertasi kuni masalani hal qilib olish uchun uchrashdik. Buni sizga chin dildan aytyapman” - dedi Galtye matbuot anjumanida.
Avvalroq Mbappe "PSJ" rahbariyatiga Neymar ustidan shikoyat qilib, braziliyalikni sotishni talab qilgani haqida xabarlar tarqalgan edi. Eslatib o‘tamiz, "PSJ" Galtye boshchiligidagi uchta rasmiy o‘yinning hammasida g‘alaba qozongan.