"ПСЖ" бош мураббийи Кристоф Галтье Неймар ва Килиан Мбаппе ўртасидаги можаро ҳал қилинганини айтди. Эслатиб ўтамиз, "Монпелье" билан ўйиндан сўнг доимий пенальти тепувчи роли туфайли футболчилар ўртасида жанжал келиб чиққани ҳақида миш-мишлар пайдо бўлганди.
"Муаммо ҳал. Бироз тушунмовчилик бўлди. Эртаси куни масалани ҳал қилиб олиш учун учрашдик. Буни сизга чин дилдан айтяпман” - деди Галтье матбуот анжуманида.
Аввалроқ Мбаппе "ПСЖ" раҳбариятига Неймар устидан шикоят қилиб, бразилияликни сотишни талаб қилгани ҳақида хабарлар тарқалган эди. Эслатиб ўтамиз, "ПСЖ" Галтье бошчилигидаги учта расмий ўйиннинг ҳаммасида ғалаба қозонган.