"Barselona" yarim himoyachisi Serxio Buskets maoshini kamaytirishga rozi bo‘lmadi.
COPE xabariga ko‘ra, 34 yoshli futbolchi joriy mavsum oxirida yakunlanadigan shartnomasini uzaytirmaydi va faoliyatini MLSda davom ettiradi.
5 avgust kuni Mundo Deportivo nashri yarim himoyachi "Barselona"ga futbolchilarni ro‘yxatdan o‘tkazishda yordam berish uchun maoshini kamaytirishga rozi bo‘lganini xabar qildi.
Buskets butun faoliyatini "Barselona"da o‘tkazgan. Kataloniya klubi safida 676 ta o‘yin o‘tkazib, 18 ta gol urdi va 40 ta golli uzatmani amalga oshirdi. Ispan klubi bilan yarim himoyachi 32 ta sovrinni qo‘lga kiritgan.
