"Барселона" ярим ҳимоячиси Серхио Бускетс маошини камайтиришга рози бўлмади.
COPE хабарига кўра, 34 ёшли футболчи жорий мавсум охирида якунланадиган шартномасини узайтирмайди ва фаолиятини МЛСда давом эттиради.
5 август куни Mundo Deportivo нашри ярим ҳимоячи "Барселона"га футболчиларни рўйхатдан ўтказишда ёрдам бериш учун маошини камайтиришга рози бўлганини хабар қилди.
Бускетс бутун фаолиятини "Барселона"да ўтказган. Каталония клуби сафида 676 та ўйин ўтказиб, 18 та гол урди ва 40 та голли узатмани амалга оширди. Испан клуби билан ярим ҳимоячи 32 та совринни қўлга киритган.
