"Manchester Yunayted" 22 avgust kuni Angliya chempionatining 3-turi doirasida "Liverpul"ni qabul qiladi. Mankunianliklarning yangi futbolchisi Kazemiro mazkur o‘yinda ishtirok eta oladimi?

Yo‘q. Angliya premyer-ligasi reglamentiga ko‘ra, futbolchi muhim bahsda jamoasiga yordam bera olmaydi. APL reglamentiga ko‘ra, yangi futbolchi navbatdagi o‘yinda ishtirok etishi uchun u o‘z jamoasi safida o‘yindan oldingi ish kunining tushlik vaqtiga qadar ro‘yxatdan o‘tgan bo‘lishi kerak. Ya’ni Kazemiro holatida bu vaqt juma kuni (19 avgust) Britaniya vaqti bilan 12:00gacha edi.

Shu bois, Kazemiro 27 avgust kuni 4-tur doirasida bo‘ladigan "Sautgempton"ga qarshi uchrashuvda ishtirok etishi mumkin.