"Verona" yarim himoyachisi Ivan Ilich faoliyatini Fransiyada davom ettirishi mumkin. Jurnalist Janluka Di Marsio sayti xabariga ko‘ra, 21 yoshli serbni o‘z safiga "PSJ" klubi qo‘shib olmoqchi.
Ilichning amaldagi shartnomasi 2026 yilgacha mo‘ljallangan. Transfermarkt portali uning narxini 14 million yevroga baholamoqda.
O‘tgan mavsumda yarim himoyachi barcha turnirlarda 34 ta o‘yinda maydonga tushib, 2 ta gol urdi va 5 ta golli uzatmani amalga oshirdi.