"Верона" ярим ҳимоячиси Иван Илич фаолиятини Францияда давом эттириши мумкин. Журналист Жанлука Ди Марцио сайти хабарига кўра, 21 ёшли сербни ўз сафига "ПСЖ" клуби қўшиб олмоқчи.
Иличнинг амалдаги шартномаси 2026 йилгача мўлжалланган. Transfermarkt портали унинг нархини 14 миллион еврога баҳоламоқда.
Ўтган мавсумда ярим ҳимоячи барча турнирларда 34 та ўйинда майдонга тушиб, 2 та гол урди ва 5 та голли узатмани амалга оширди.