"Arsenal" Premyer-ligadagi dastlabki uch turda g‘alaba qozondi.

Kecha londonliklar "Bornmut"ni mag‘lub qildi (3:0). Bungacha “kanonirlar” “Lester” (4:2) va “Kristal Pelas”ni (2:0) taslim qilgandi.

"Arsenal" 3-marta APLdagi dastlabki 3 ta o‘yinda g‘alaba qozondi. Bunday holat oxirgi marta 2004/05 yilgi mavsumda sodir bo‘lgan, o‘shanda jamoa 2-o‘rinni egallagandi.

Bungacha startdagi 3 ta g‘alaba 2003/04 yilgi mavsumda bo‘lgan bo‘lsa, o‘shanda "Arsenal" birorta ham mag‘lubiyatsiz Premyer-ligani qo‘lga kiritgan.