Artyom Fedun Moskvaning "Spartak" klubi prezidenti lavozimini tark etdi. Bu haqda “qizil-oqlar” o‘z saytida rasman ma’lum qildi.
Yaqinda "Lukoyl" neft kompaniyasi jamoaning to‘liq ulushini, shuningdek, "Otkritiye Arena" stadionini sotib olgani haqida xabar paydo bo‘ldi.
Fedun 2004 yilda "Spartak" prezidenti bo‘ldi. O‘shandan beri jamoa bittadan chempionlik va Rossiya kubogini qo‘lga kiritdi.
“Spartak” ayni damda Rossiya Premyer-ligasida 6 turdan keyin uchinchi o‘rinni egallab turibdi. Dam olish kunlarida Gilyermo Abaskal shogirdlari Moskvaning “Dinamo” jamoasiga 0:1 hisobida imkoniyatni boy berib, turnir jadvalida peshqadamlikni qo‘ldan chiqarishdi.
