Relevo nashri xabariga ko‘ra, "Atletiko" o‘tgan yozdan beri ijara asosida to‘p surayotgan hujumchi Antuan Grizmanni "Barselona"dan sotib olmasligi mumkin.
Manbaga ko‘ra, agar fransiyalik hujumchi har bir o‘yinda “matraschilar” uchun 30 daqiqadan kam o‘ynasa, u holda sotib olish bandi majburiy bo‘lmaydi. Eslatib o‘tamiz, futbolchining "Atletiko" bilan ijara shartnomasi kelasi yilning yozigacha amal qiladi.
Oldinroq “matraschilar” Grizmanni 40 million yevroga sotib olmoqchi emasligi haqida xabar berilgandi.
Umuman olganda, Madrid klubiga qaytganidan so‘ng, 31 yoshli hujumchi Ispaniya chempionatida 28 ta o‘yin o‘tkazib, 4 ta gol urdi va 5 ta golli uzatmani amalga oshirdi.
