Italiya chempionatining 2-turi doirasida «Roma» o‘z maydonida A seriya debyutanti — «Kremoneze»ni qabul qilib, qiyinchilik bilan g‘alaba qozondi.

Mehmonlar bir soatdan oshiqroq vaqt davomida rimliklarning bosimiga dosh berishdi. 65-daqiqada esa burchakdan yetkazilgan uzatmani Kris Smolling bosh bilan raqib darvozasiga joylab, hisobni ochdi.

O‘yin so‘ngida «Kremoneze» hisobni tenglashtirishi mumkin edi. Ammo 16 metrlardan yo‘llangan zarbadan so‘ng to‘p ustunga tegib, maydonni tark etdi.

Joze Mourinyo bu safar ham Eldor Shomurodovni maydonga tushirmadi.

Italiya chempionati, 2-tur
Roma – Kremoneze 1:0 (0:0, 1:0)
Gol: 1:0 – 65 Smolling.
Roma – Ruy Patrisiu, Karsdorp (Chelik, 86), Smolling, Manchini, Rojer, Spinassola (Zalevski, 73), Kristante, Pellegrini, Dzanyolo (El-SHaaravi, 45), Dibala (Matich, 72), Abraxam.
Kremoneze – Radu, Gilyone (Baes, 56), Kirikesh, Lochoshvili (Chiofani, 85), Ayvu (Byanketti, 57), Valeri, Pikel, Askasibar, Dessers, Okereke (Tsadju, 78), Dzanimakkya (Buonayuto, 56).
Ogohlantirishlar: Ayvu (24), Dzanimakkya (50), Byanketti (79).