Италия чемпионатининг 2-тури доирасида «Рома» ўз майдонида А серия дебютанти — «Кремонезе»ни қабул қилиб, қийинчилик билан ғалаба қозонди.

Меҳмонлар бир соатдан ошиқроқ вақт давомида римликларнинг босимига дош беришди. 65-дақиқада эса бурчакдан етказилган узатмани Крис Смоллинг бош билан рақиб дарвозасига жойлаб, ҳисобни очди.

Ўйин сўнгида «Кремонезе» ҳисобни тенглаштириши мумкин эди. Аммо 16 метрлардан йўлланган зарбадан сўнг тўп устунга тегиб, майдонни тарк этди.

Жозе Моуриньо бу сафар ҳам Элдор Шомуродовни майдонга туширмади.

Италия чемпионати, 2-тур
Рома – Кремонезе 1:0 (0:0, 1:0)
Гол: 1:0 – 65 Смоллинг.
Рома – Руй Патрисиу, Карсдорп (Челик, 86), Смоллинг, Манчини, Рожер, Спинаццола (Залевски, 73), Кристанте, Пеллегрини, Дзаньоло (Эль-Шаарави, 45), Дибала (Матич, 72), Абрахам.
Кремонезе – Раду, Гильоне (Баэс, 56), Кирикеш, Лочошвили (Чиофани, 85), Айву (Бьянкетти, 57), Валери, Пикель, Аскасибар, Дессерс, Окереке (Тсаджу, 78), Дзанимаккья (Буонаюто, 56).
Огоҳлантиришлар: Айву (24), Дзанимаккья (50), Бьянкетти (79).