"Liverpul" hujumchisi Muhammad Saloh kecha "Manchester Yunayted"ga qarshi uchrashuvda jamoasining yagona goliga mualliflik qildi. "Mersisaydliklar" "Old Trafford"da 1:2 hisobida mag‘lub bo‘lishdi.
Shu tariqa, Saloh APLda gol urish borasida “qizillar” afsonasi Stiven Jerrard bilan tenglashib oldi. Ularning hisobida 120 tadan gol bor.
Saloh 2017 yilning yozidan beri “Liverpul” sharafini himoya qilib kelmoqda. U “Roma” klubidan “Enfild”ga ko‘chib o‘tgan edi. O‘shandan beri misrlik "mersisaydliklar" uchun 258 ta uchrashuvda qatnashib, 159 ta gol va 64 ta golli uzatmani amalga oshirgan.
