"Ливерпуль" ҳужумчиси Муҳаммад Салоҳ кеча "Манчестер Юнайтед"га қарши учрашувда жамоасининг ягона голига муаллифлик қилди. "Мерсисайдликлар" "Олд Траффорд"да 1:2 ҳисобида мағлуб бўлишди.
Шу тариқа, Салоҳ АПЛда гол уриш борасида “қизиллар” афсонаси Стивен Жеррард билан тенглашиб олди. Уларнинг ҳисобида 120 тадан гол бор.
Салоҳ 2017 йилнинг ёзидан бери “Ливерпуль” шарафини ҳимоя қилиб келмоқда. У “Рома” клубидан “Энфилд”га кўчиб ўтган эди. Ўшандан бери мисрлик "мерсисайдликлар" учун 258 та учрашувда қатнашиб, 159 та гол ва 64 та голли узатмани амалга оширган.
