3-tur doirasida "Manchester "Yunayted" o‘z maydonida "Liverpul" klubini qabul qildi va 2:1 hisobida g‘alaba qozondi. "Qizillar" himoyachisi Endi Robertson ushbu uchrashuv haqida fikr bildirdi.
"To‘qqiz ochkodan ikki ochkoni qo‘lga kiritish - bu bizning eng yaxshi startimiz emas. Biz ham alohida, ham jamoamiy rivojlanishimiz kerak. Biz bunchalik ko‘p gol o‘tkazib yuborishimiz kerakmas. Biz bugungidek o‘yinni yomon boshlamasligimiz kerak, raqib o‘yinni bizdan ancha yaxshi boshladi", - dedi futbolchi Sky Sports bilan suhbatda.
Keyingi turda “Liverpul” o‘z maydonida “Bornmut”ni qabul qiladi.