"PSJ"da o‘ynab keta olmagan argentinalik markaziy hujumchi Mauro Ikardi faoliyatini Turkiya chempionatida davom ettirish imkoniyatiga ega. Bu haqda o‘zining ijtimoiy tarmoqlarida insayder Nikolo Skira ma’lum qildi.
Jurnalistning so‘zlariga ko‘ra, Istanbulning “Galatasaroy” klubi hujumchini o‘z safiga qo‘shib olmoqchi. Yaqin kunlarda klub vakillari futbolchining agenti va rafiqasi Vanda Nara bilan muzokaralar olib borishadi.
Turk grandi Ikardini bir mavsumga ijaraga olmoqchi. "Galatasaroy" Mauroga uch million yevro to‘lashga tayyor, maoshning qolgan qismini parijliklar qoplashlari kerak.
O‘tgan mavsumda argentinalik futbolchi Fransiya chempionatining 24ta o‘yinida qatnashib, bitta gol muallifiga aylandi.
