"ПСЖ"да ўйнаб кета олмаган аргентиналик марказий ҳужумчи Мауро Икарди фаолиятини Туркия чемпионатида давом эттириш имкониятига эга. Бу ҳақда ўзининг ижтимоий тармоқларида инсайдер Николо Скира маълум қилди.
Журналистнинг сўзларига кўра, Истанбулнинг “Галатасарой” клуби ҳужумчини ўз сафига қўшиб олмоқчи. Яқин кунларда клуб вакиллари футболчининг агенти ва рафиқаси Ванда Нара билан музокаралар олиб боришади.
Турк гранди Икардини бир мавсумга ижарага олмоқчи. "Галатасарой" Маурога уч миллион евро тўлашга тайёр, маошнинг қолган қисмини парижликлар қоплашлари керак.
Ўтган мавсумда аргентиналик футболчи Франция чемпионатининг 24та ўйинида қатнашиб, битта гол муаллифига айланди.
