Bu yil mamlakat kubogining final uchrashuvi Buxoro shahrida bo‘lib o‘tadi. Avgust oyining so‘nggi dekadasida nufuzi jihatidan ikkinchi o‘rinda turuvchi musobaqada hal qiluvchi – ikkinchi bosqich bahslari boshlandi. Olimpiya tartibida o‘tkazilayotgan nimchorak final bahslarida Bekobodning “Metallurg” jamoasi ham ishtirok etmoqda.

Bekobodliklar keyingi yillarda ko‘p kuzatilayotganidek, bu safar ham poytaxt viloyati derbisida maydonga chiqadi. Jamoa 25 avgust kuni Olmaliqda chorak final chiptasi uchun bo‘ladigan muhim bahsda AGMKga qarshi saf tortadi.

Bevosita AGMK – “Metallurg” jamoalarining O‘zbekiston kubogi bahslaridagi to‘qnashuvlariga to‘xtaladigan bo‘lsak, bu yilgi derbi billur sovrin yo‘lidagi 5-o‘yin hisoblanadi.

Ortda qolgan to‘rtta o‘yinning dastlabki uchtasida “Metallurg” g‘alaba qozongan. Oxirgi bahsda esa Olmaliq jamoasi nihoyat o‘zi uchun ko‘ngilsiz bo‘lgan an’anani buzdi. O‘z maydonida – sovuq, tumanli va izg‘irinli dekabr oqshomida o‘tgan o‘yinda estra taymlardagina torozu pallasini o‘z tomoniga og‘dirdi.

AGMK va "Metallurg" jamoalarining O‘zbekiston kubogi doirasidagi o‘yinlari:

2007 yil
O‘zbekiston kubogi, ikkinchi bosqich o‘yini.
AGMK – "Metallurg" 0:1

2016 yil
O‘zbekiston kubogi, 1/8 final.
Birinchi o‘yin.
"Metallurg" – AGMK 1:0
Gol: F.Namozov (81).

Javob o‘yini.
AGMK – "Metallurg" 2:3
Gollar: Y.Martinyuk (34), F.Tojiyev (40) – E.Ismoilov (8), A.No‘’monov (26), J.Hakimov (69).

2020 yil
Coca Cola O‘zbekiston kubogi, ¼ final
AGMK – “Metallurg” – 4:3 (2:3, 3:3, qo‘shimcha taym – 1:0)
Gollar: Mate Vatsadze 12, Sardor Rahmonov 23, Dilshod Jo‘rayev 42, Zafar Polvonov 113 – Abror Toshqo‘ziyev 7, 18, Doniyor Narzullayev 65.