"Fulxem" "Roma" hujumchisi Jastin Klyuyvert bilan kelishib oldi. Futbolchi allaqachon ingliz klubiga o‘tishga rozi bo‘lgan va faoliyatini davom ettirishning boshqa variantlarini ko‘rib chiqmayapti, deya xabar beradi jurnalist Fabrisio Romano.
“Fulxem” ayni damda “Roma” bilan 23 yoshli niderlandiyalik futbolchining transfer narxi borasida muzokara olib bormoqda.
O‘tgan mavsumda Klyuyvert "Roma"dan ijara asosida "Nissa"da o‘ynadi. Hujumchi fransuz klubi tarkibida 31 uchrashuvda 6 ta gol urdi va 7 ta golli uzatmani amalga oshirdi.
Transfermarkt portali futbolchining narxini 15 million yevroga baholamoqda.