"Фулхэм" "Рома" ҳужумчиси Жастин Клюйверт билан келишиб олди. Футболчи аллақачон инглиз клубига ўтишга рози бўлган ва фаолиятини давом эттиришнинг бошқа вариантларини кўриб чиқмаяпти, дея хабар беради журналист Фабрицио Романо.
“Фулхэм” айни дамда “Рома” билан 23 ёшли нидерландиялик футболчининг трансфер нархи борасида музокара олиб бормоқда.
Ўтган мавсумда Клюйверт "Рома"дан ижара асосида "Ницца"да ўйнади. Ҳужумчи француз клуби таркибида 31 учрашувда 6 та гол урди ва 7 та голли узатмани амалга оширди.
Transfermarkt портали футболчининг нархини 15 миллион еврога баҳоламоқда.