"Atletiko Madrid" futbolchilari bilan maoshlarni qisqartirish bo‘yicha muzokaralar olib bormoqda, deb xabar beradi Goal.com
Ispaniya klubi moliyaviy qiyinchiliklarni boshidan kechirmoqda va zudlik bilan maoshlarni qisqartirish niyatida.
"Atletiko Madrid" rahbariyati Madrid klubining ba’zi futbolchilari, jumladan Antuan Grizmann, Yan Oblak, Koke, Tomas Lemar va Joau Felish bilan uchrashuvlar o‘tkazib, ularga maoshlarni qisqartirish niyati haqida ma’lum qildi.
Qayd etilishicha, muzokaralarning dastlabki bosqichi ijobiy o‘tgan. Futbolchilar klub ehtiyojlarini qondirishga tayyor ekanliklarini bildirishdi.
