"Los-Anjeles Gelaksi" yarim himoyachisi Riki Puch Amerika klubiga o‘tishi haqida fikr bildirdi.
“Ispaniyadagi so‘nggi oyim juda qiyin bo‘ldi, chunki jamoa yig‘inga bordi, men esa uyda qoldim. Bu avval hech qachon sodir bo‘lmagan. Klub qiyin ahvolda ekanini tushunaman. Ehtimol, ular menga shunday bosim o‘tkazishgan va ketishga shama qilishgan, ammo buni boshqacha qilish mumkin edi.
Jamoadan butunlay hafsalam pir bo‘ldi - jamoada yetti yil bo‘lganimdan so‘ng ular mendan qutulishdi", - deya Puchdan iqtibos keltiradi Eurosport.