"Barselona" hujumchisi Memfis Depay "Manchester Yunayted" qiziqishlari doirasida bo‘lib turibdi. Bu haqda Marca xabar tarqatdi.
Manbaga ko‘ra, mankunianliklar forvardni yozgi transfer oynasida o‘z safiga qo‘shib olmoqchi. Ular "Barselona"ga 10 million yevrogacha bo‘lgan mablag‘ni to‘lay olishlarini ma’lum qilgan. Futbolchi bilan muzokaralar hozircha boshlanmagan.
Eslatib o‘tamiz, 28 yoshli niderlandiyalikning amaldagi shartnomasi 2023 yilda nixoyasiga yetadi. U joriy mavsum birorta o‘yinda ishtirok etmadi.
