"Барселона" ҳужумчиси Мемфис Депай "Манчестер Юнайтед" қизиқишлари доирасида бўлиб турибди. Бу ҳақда Marca хабар тарқатди.
Манбага кўра, манкунианликлар форвардни ёзги трансфер ойнасида ўз сафига қўшиб олмоқчи. Улар "Барселона"га 10 миллион еврогача бўлган маблағни тўлай олишларини маълум қилган. Футболчи билан музокаралар ҳозирча бошланмаган.
Эслатиб ўтамиз, 28 ёшли нидерландияликнинг амалдаги шартномаси 2023 йилда нихоясига етади. У жорий мавсум бирорта ўйинда иштирок этмади.













