"Trua" o‘zining rasmiy saytida "Sevilya" hujumchisi Roni Lopesh bilan shartnoma imzolaganini e’lon qildi. 26 yoshli portugaliyalik futbolchi fransuz klubida bir mavsumni ijara asosida o‘tkazadi.
Shartnomada futbolchini keyingi sotib olish ko‘zda tutilmagan.
Hujumchi 2019 yilda "Monako"dan "Sevilya"ga o‘tgandi. Uning ispan klubi bilan amaldagi shartnomasi ikki yildan keyin yakuniga yetadi.
Lopesh o‘tgan mavsumni "Olimpiakos"da ijara asosida o‘tkazdi. Hujumchi barcha musobaqalarda 27 ta o‘yin o‘tkazib, 4 ta gol urdi va 4 ta golli uzatmani amalga oshirdi. Transfermarkt portali futbolchini 4 million yevroga baholamoqda.