"Nottingem Forest" "Monako"ning sobiq futbolchisi Djibril Sidibe bilan kelishuvga erishdi. Bu haqda Footmercato nashri xabar bermoqda.

Jurnalistlarning so‘zlariga ko‘ra, shartnoma 1+1 sxemasi bo‘yicha tuziladi, ammo hozircha fransuz "o‘rmonchilar" lageriga ko‘chib o‘tishi uchun hamma narsa tayyor emas.

Ta’kidlanishicha, "Nottingem Forest" "Tottenxem"ning sobiq futbolchisi Serj Oryeni himoyaning o‘ng qanotiga muqobil variantlardan biri sifatida ko‘rmoqda. Djibril Sidibe Fransiyaning "Monako" klubi bilan shartnomasi 30 iyun kuni yakuniga yetgani uchun hozirda klubsiz.

O‘tgan mavsumda Djibril Sidibe jamoa safida barcha musobaqalarda 26 o‘yinda maydonga tushdi va gol ura olmadi. Transfermarkt portali 29 yoshli himoyachining bozor narxini 8 million yevroga baholamoqda.