"Ноттингем Форест" "Монако"нинг собиқ футболчиси Джибрил Сидибе билан келишувга эришди. Бу ҳақда Footmercato нашри хабар бермоқда.
Журналистларнинг сўзларига кўра, шартнома 1+1 схемаси бўйича тузилади, аммо ҳозирча француз "ўрмончилар" лагерига кўчиб ўтиши учун ҳамма нарса тайёр эмас.
Таъкидланишича, "Ноттингем Форест" "Тоттенхэм"нинг собиқ футболчиси Серж Орьени ҳимоянинг ўнг қанотига муқобил вариантлардан бири сифатида кўрмоқда. Джибрил Сидибе Франциянинг "Монако" клуби билан шартномаси 30 июнь куни якунига етгани учун ҳозирда клубсиз.
Ўтган мавсумда Джибрил Сидибе жамоа сафида барча мусобақаларда 26 ўйинда майдонга тушди ва гол ура олмади. Transfermarkt портали 29 ёшли ҳимоячининг бозор нархини 8 миллион еврога баҳоламоқда.
