"Manchester Yunayted" tez orada "Ayaks" vingeri Antoni uchun uchinchi taklif bilan chiqadi. Talksport xabariga ko‘ra, "qizil iblislar" futbolchi uchun 101 million yevro taklif qilishga tayyor.
"Manchester Yunayted" bu mablag‘ "Ayaks"ning moliyaviy ehtiyojlarini qondirishga yetarli bo‘lishiga umid qilmoqda. Amsterdam klubi braziliyalikni o‘zida saqlab qolmoqchi, ularni ishontirish uchun katta mablag‘ kerak bo‘ladi.
Antonining o‘zi allaqachon "Manchester Yunayted" bilan shaxsiy shartnoma borasida kelishib olgan. Braziliyalik futbolchi ayni damda rahbariyatga "Old Trafford"ga o‘tishini tezlashtirish uchun bosim o‘tkazmoqda.
