"Манчестер Юнайтед" тез орада "Аякс" вингери Антони учун учинчи таклиф билан чиқади. Talksport хабарига кўра, "қизил иблислар" футболчи учун 101 миллион евро таклиф қилишга тайёр.
"Манчестер Юнайтед" бу маблағ "Аякс"нинг молиявий эҳтиёжларини қондиришга етарли бўлишига умид қилмоқда. Амстердам клуби бразилияликни ўзида сақлаб қолмоқчи, уларни ишонтириш учун катта маблағ керак бўлади.
Антонининг ўзи аллақачон "Манчестер Юнайтед" билан шахсий шартнома борасида келишиб олган. Бразилиялик футболчи айни дамда раҳбариятга "Олд Траффорд"га ўтишини тезлаштириш учун босим ўтказмоқда.
