"Vest Xem" "Lion" yarim himoyachisi Lukas Paketani o‘z safiga qo‘shib olmoqchi, deya xabar beradi jurnalist Vene Kasagrande.
Manbaga ko‘ra, ingliz klubi 24 yoshli braziliyalik uchun 38 million yevro taklif qilmoqda.
Ushbu yozda yarim himoyachiga "Arsenal", "Manchester Siti", "Tottenxem" va "PSJ" klublari qiziqish bildirgan edi. Uning fransuz klubi bilan amaldagi shartnomasi 2025 yilgacha mo‘ljallangan.
Paketa o‘tgan mavsumda "Lion" safida 43 ta o‘yinda 11 ta gol urdi va 7 ta golga assistentlik qildi. Transfermarkt portali futbolchining narxini 35 million yevroga baholamoqda.